நாடு பிரதமரோடு இருப்பதை காண்கிறோம்: எச்.ராஜா

காரைக்குடி: நாடு பிரதமரோடு இருப்பதை நாம் நேற்று (ஏப்.,5) காண முடிந்தது என பா.ஜ., தேசிய செயலாளர் எச்.ராஜா தெரிவித்தார்.

நாட்டிலிருந்து கொரோனாவை விரட்ட அனைவரும் ஒன்றாக இருப்பதை மெய்ப்பிக்க, நாட்டு மக்கள் அனைவரும் நேற்று இரவு 9 மணி முதல் 9.09 வரை விளக்கேற்றி வழிப்பட்டனர். பிரதமர் மோடியும் நாட்டு மக்களுடன் இணைந்து குத்து விளக்கு ஏற்றி பிரார்த்தனை செய்தார்.

இந்நிலையில் இந்நிகழ்வு குறித்து டுவிட்டரில் எச்.ராஜா பதிவிட்டுள்ளதாவது: நாடு பிரதமரோடு என்பதை நேற்று காணமுடிந்தது. மிகவும் முன்னேறிய நாடுகளில் (அமெரிக்கா, ஐரோப்பிய நாடுகள்) படும் பாட்டை பார்க்கையில், மாண்புமிகு பிரதமர் மோடி அவர்கள் எடுத்துள்ள படிப்படியான நடவடிக்கைகள் நாட்டை பெருமளவு பாதுகாத்து வருகின்றது. இவ்வாறு அவர் பதிவிட்டுள்ளார்.